ஆரோக்கியமான உறவுகளைப் புரிந்து கொள்வது, வன்கொடுமை செய்யப்படுவதை உணர்ந்து கொள்ள உதவுகிறது
அனைத்து உறவுகளும் வேறுபட்ட வகையில் இருக்கும் வேளையில், தவறாக நடத்தப்படுகின்ற ஒரு உறவையும், ஆரோக்கியமான ஒன்றையும் வேறுபடுத்திக் காட்டுகின்ற சில முக்கியமான பண்புகள் உள்ளன. ஆரோக்கியமான உறவுகள், நேர்மை, மரியாதை, நம்பிக்கை மற்றும் தகவல் தொடர்பு ஆகியவற்றின் மீது கட்டமைக்கப்படுகின்றன.
உங்கள் உறவு நிலையைப் புரிந்துகொள்ள இந்த உறவுநிலை அலைவரிசை உதவியாக இருக்கும்..
ஆரோக்கியமானது
ஆரோக்கியமான உறவுநிலை என்பது நீங்கள் மற்றும் உங்கள் துணை இருவரும் பின்வருமாறு இருப்பதைக் குறிக்கிறது:
* பழகுவதற்கு எளிதானவராக இருத்தல். ஒருவருக்கொருவர் கவனத்துடனும், மரியாதையுடனும் காது கொடுத்துக் கேட்பவராக இருத்தல். ‘சம்மதிக்காமல் இருக்க சம்மதிக்கின்ற’ உரிமை உங்களுக்கு உண்டு என்பதை ஒருவருக்கொருவர் ஒப்புக் கொண்டு, உங்கள் பிரச்சினைகளைப் பற்றி வெளிப்படையாகப் பேசுதல்.
* மதிப்பளித்தல். ஒருவர் மற்றவரின் வேறுபாடுகளை மதித்து, நீங்கள் நீங்களாகவே இருப்பதற்கான சுதந்திரத்தை ஒருவருக்கொருவர் கொடுத்தல். மதிப்பீடு செய்தல் இல்லாமல் ஒருவர் மற்றவரின் தேவைகள், கருத்துக்கள் மற்றும் உணர்வுகளுக்கு மதிப்பளித்தல்.
* நம்பிக்கை வைத்தல். நீங்கள் ஒருவரையொருவர் நம்புகிறீர்கள், ஒருவருக்கொருவர் பாதுகாப்பாக உணர்வதால் ஒருவருக்கொருவர் நம்பிக்கை வைப்பது எளிதானதாக உள்ளது.
* நேர்மை. ஒருவருக்கொருவர் உங்களுடைய இயல்பான தன்மையில் இருப்பதற்குப் போதுமான அளவு பாதுகாப்பையும், சில விஷயங்களை அந்தரங்கமாக நீங்கள் வைத்துக் கொள்ளலாம் என்பதையும் புரிந்து கொண்டிருக்கிறீர்ஒருவருக்கொருவர் உங்களுடைய இயல்பான தன்மையில் இருப்பதற்குப் போதுமான அளவு பாதுகாப்பையும், சில விஷயங்களை அந்தரங்கமாக நீங்கள் வைத்துக் கொள்ளலாம் என்பதையும் புரிந்து கொண்டிருக்கிறீர்கள்.
* சமத்துவம். உங்கள் ஒவ்வொருவரின் விருப்பங்களும், ஆர்வங்களும் சமமான அளவு முக்கியத்துவம் கொண்டவையாகக் கருதப்படுகின்றன. விஷயங்களிலும், முடிவுகள் எடுப்பதிலும் இருவருக்கும் சமமான கருத்துக் கூறும் உரிமை உள்ளது.
* எல்லைகளை வரையறுத்தல். ஒருவருக்கொருவர் மற்றவரின் நேரம் மற்றும் இடைவெளிக்கான தேவையை மதிக்கிறீர்கள். உங்களுக்கு சௌகரியமாக இருக்கின்ற மற்றும் இல்லாத விஷயங்களைப் பற்றி ஒருவருக்கொருவர் தெரிவித்துக் கொள்ள முடிகிறது.
* சம்மதத்தை நடைமுறைப்படுத்தல். பாலியல் மற்றும் குழந்தைப்பேறு விருப்பங்கள் பற்றி நீங்கள் விவாதிக்கிறீர்கள். வெளிப்படையாக ‘வேண்டாம்’ என்று சொல்ல முடிகிறது, மேலும் அதற்காக மதிக்கப்படுகிறீர்கள்.
ஆரோக்கியமற்றது
You may be in an unhealthy relationship if your partner is:
* பழகுவதற்குக் கடினமானவராக இருத்தல். முரண்பாடுகள் அல்லது பிரச்சினைகள் எழும் போது, மரியாதையுடன் பேசுவதை நிறுத்தி விட்டு, சண்டையிட ஆரம்பிக்கிறீர்கள்.
* அவமரியாதை செய்தல். நீங்களோ அல்லது உங்கள் துணையோ, ஒருவர் மற்றொருவரின் உணர்வுகள், தேவைகள், விருப்பங்கள் அல்லது இலக்குகளைப் பற்றிக் கவலையின்றி, ஒருவருக்கொருவர் உணர்ச்சியற்ற முறையில் நடந்து கொள்கிறீர்கள்.
* நம்பிக்கையின்மை. உங்களில் யாரேனும் ஒருவர் ஒருவருக்கொருவர் நம்பாத போது அல்லது செயல்களையோ, நடத்தையையோ கேள்வி கேட்கத் தொடங்கும்போது.
* நேர்மையின்மை. துணைகளுக்கிடையே யாரேனும் ஒருவர் பொய் சொல்லுதல், குற்றம் சுமத்துதல் அல்லது பொறுப்புகளை ஏற்றுக் கொள்ளாமல் இருக்கும் போது.
* கட்டுப்படுத்துதல். நீங்களோ அல்லது உங்கள் துணையோ அடுத்த நபருக்காக முடிவெடுக்கத் தொடங்குதல், அடுத்தவரின் தேவைகள் அல்லது விருப்பங்களை விட உங்கள் தேவைகளுக்கு முன்னுரிமை அளித்தல்.
* தனிமைப்படுத்துதல். குடும்பத்தினர், நண்பர்கள், அல்லது மற்ற நபர்களுடன், நேரிலோ அல்லது ஆன்லைனிலோ தொடர்பு கொள்ள விடாமல் தடுத்தல்.
* பாலுறவில் ஈடுபடக் கோருதல் (சம்மதம் இல்லாமல்). பாலுறவு கொள்ளவோ அல்லது ஒரு நபர் அசௌகரியமாக உணர்கின்ற பாலியல் செயலில் ஈடுபடவோ, அழுத்தம் கொடுப்பது அல்லது கட்டாயப்படுத்துவது.
தவறாக நடத்துதல்
உங்கள் வாழ்க்கைத்துணை பின்வருமாறு இருக்கும் போது, அது தவறாக நடத்தப்படுகின்ற உறவாகிறது:
* புண்படுத்துகின்ற வகையில் நடந்து கொள்ளுதல். உங்கள் வாழ்க்கைத்துணை உடல்ரீதியாகத் துன்புறுத்துகின்ற, அச்சுறுத்துகின்ற, அவமதிக்கின்ற அல்லது இழிவாகப் பேசுகின்றவராக இருக்கின்றார்
* அவமரியாதை செய்தல். உங்கள் வாழ்க்கைத்துணை உங்களுடைய எண்ணங்கள், உணர்வுகள், முடிவுகள், கருத்துக்கள், அல்லது பாதுகாப்பை மதிக்காமல் இருக்கிறார்.
* அவநம்பிக்கை. உங்கள் வாழ்க்கைத்துணை நீங்கள் ஏமாற்றுவதாக குற்றம் சாட்டுகிறார், சந்தேகப்படுபவராக இருக்கிறார், சமூக ஊடகங்கள் மற்றும் மின்னஞ்சல் கணக்குகளை சரிபார்ப்பதற்காக உங்கள் கடவுச்சொற்களைத் தெரிவிக்குமாறு கட்டாயப்படுத்துகிறார்.
* கட்டுப்படுத்துதல். பெரிய முடிவுகள் உங்களுடன் ஆலோசிக்காமலே எடுக்கப்படுகின்றன, கூட்டு வருமான ஆதாரங்கள் மீதும், அவை எவ்வாறு செலவிடப்பட வேண்டும் என்பதன் மீதும் அதீத கட்டுப்பாட்டைக் கொண்டிருக்கிறார், குடும்பத்தினர் மற்றும் நண்பர்களை எப்போது, எங்கே மற்றும் எவ்வளவு கால இடைவெளியில் நீங்கள் சந்திக்கலாம் என்பதை முடிவு செய்கிறார்.
* பாலியல்ரீதியான செயலுக்குக் கட்டாயப்படுத்துகிறார். அல்லது குழந்தை பெற்றுக் கொள்ளும் விருப்பங்கள் மீது ஆதிக்கம் செலுத்துகிறார். உங்களுக்குப் பிடிக்காத பாலியல்ரீதியான செயல்பாட்டை செய்யுமாறு உங்கள் வாழ்க்கைத்துணை கட்டாயப்படுத்துகிறார் அல்லது அழுத்தம் கொடுக்கிறார். குடும்பக் கட்டுப்பாட்டைப் பயன்படுத்த வலியுறுத்துவதன் மூலம் உங்கள் குழந்தை பெறுகின்ற விருப்பங்களில் ஆதிக்கம் செலுத்துகிறார், அல்லது உங்கள் விருப்பத்துக்கு மாறாக கருக்கலைப்போ, அல்லது குழந்தை பெற்றுக் கொள்ளவோ செய்கிறார்.
* குழந்தைகளைத் தவறாகக் கையாள இயன்றால், குழந்தைகளைப் பயன்படுத்துகிறார். உங்கள் வாழ்க்கைத்துணை உங்களை உணர்ச்சிபூர்வமாகத் தவறான முறையில் கையாண்டு, உங்களுக்குப் பிடிக்காத முடிவுகளுக்கு உங்களைக் கட்டாயப்படுத்த உங்கள் குழந்தைகளைப் பயன்படுத்துகிறார். அக்கறையற்ற அல்லது தகுதியற்ற பெற்றோராக உங்களைக் காட்டி, குழந்தைகள் முன்பாக வேண்டுமென்றே உங்களைக் குறைத்து மதிப்பிடுவதன் மூலம், உங்களுக்கு எதிராக அவர்களைத் திருப்ப முயற்சிக்கலாம்.
உறவுநிலைகளில் வன்கொடுமை செய்யப்படுவதை உணர்ந்து கொள்ளுதல்
தவறாக நடத்துகின்ற நடத்தை என்பது, பயம், அவமானம், உணர்வுப்பூர்வ அச்சுறுத்தல், வார்த்தைகள் மூலம் மற்றும் உடல்ரீதியான தாக்குதல்கள் ஆகியவற்றின் வழியாக, மற்றொரு நபரின் மீது அதிகாரத்தையும், கட்டுப்பாட்டையும் செலுத்துவதாகும். வாழ்க்கைத் துணை வன்முறை அல்லது குடும்ப வன்முறை எனவும் அழைக்கப்படுகின்ற வீட்டு வன்முறை என்பது, ஒரு அந்தரங்கமான உறவில் ஒரு வாழ்க்கைத் துணை மீதான அதிகாரத்தையும், கட்டுப்பாட்டையும் செலுத்துவதற்காக மற்றொரு வாழ்க்கைத் துணை பயன்படுத்துகின்ற நடத்தைகளின் வடிவமாகும்.
இங்கே கிளிக் செய்யவும்
தவறாக நடத்தப்படுவதற்கான பொதுவான அறிகுறிகளில் அடங்கக் கூடியவை:
* குடும்பத்தினர்/நண்பர்கள் முன்னிலையில் உங்களைக் கேலி செய்தல் அல்லது அவமானப்படுத்துதல்.
* உங்கள் குடும்பத்தினருடன்/நண்பர்களுடன் நீங்கள் நேரம் செலவிடும் போது, உங்களைக் குற்ற உணர்ச்சிக்கு ஆளாக்குதல்.
* உங்கள் நிதிகளைக் கட்டுப்படுத்துதல்/உங்கள் விருப்பப்படி உங்கள் பணத்தை செலவிட அனுமதிக்காமல் இருத்தல்.
* வேலை, கல்வி போன்றவை குறித்த உங்கள் விருப்பங்களைக் கட்டுப்படுத்துதல்.
* பாலியல் உறவில் ஈடுபட, அல்லது உங்களுக்குப் பிடிக்காத செயல்களை செய்ய உங்களைக் கட்டாயப்படுத்துதல்.
* உங்கள் குழந்தை வளர்ப்பில் குறை கண்டுபிடித்தல், அல்லது குழந்தைகளுக்கோ அல்லது செல்லப்பிராணிகளுக்கோ தீங்கு விளைவிப்பதாக அச்சுறுத்துதல்.
* உங்கள் உடமைகளை அழித்தல்.
* உங்களை இழிவுபடுத்துதல் அல்லது திறமையற்றவராக உணர வைத்தல்.
* மது அல்லது போதைப் பொருட்களைப் பயன்படுத்துமாறு கட்டாயப்படுத்துதல்.
* உங்கள் கடவுச்சொற்களைக் கூறுமாறு உங்களைக் கட்டாயப்படுத்துதல்.
சில நேரங்களில் தற்போதைய உறவு அல்லது கடந்த கால உறவிலிருந்து ஒருவர், நமக்கு அல்லது நம்முடைய குடும்பத்துக்குத் தீங்கு விளைவிப்பதாக அச்சுறுத்தக் கூடும். பின்வரும் நிகழ்வுகளில் ஏதேனும் உங்கள் வாழ்க்கையில் நடைபெறுகிறதா?
உணர்வுப் பூர்வமான வலியை ஏற்படுத்தும் விதமாக அந்த நபர் தொடர்ந்து அவமானப்படுத்துகிறார், அவமதிக்கிறார், இழிவுபடுத்துகிறார் அல்லது அவருடைய பிரச்சினைகளுக்காக உங்கள் மீது பழி சுமத்துகிறார்.
அந்த நபர் நேரடியாகவோ, சமூக ஊடகம் மூலமாகவோ, அல்லது குறுஞ்செய்தி, மின்னஞ்சல் வழியாகவோ தொடர்ந்து பின்தொடரக் கூடும் அல்லது உங்கள் செயல்களைப் பின்தொடர/ கண்காணிக்க ஒருவரை ஏற்பாடு செய்திருக்கக் கூடும்.
அந்த நபர் சொத்துக்களை சேதப்படுத்துகிறார் எ.கா. மொபைல் ஃபோனை உடைப்பது, நம்முடைய தனிப்பட்ட அடையாள அட்டையை அழிப்பது போன்றவை.
சம்மதம் இல்லாமல் ஏதேனும் பாலியல் ரீதியான செயலுக்கு முயற்சிக்கிறார் அல்லது கட்டாயப்படுத்துகிறார்.
அந்த நபர் உங்கள் பணத்தை கட்டுப்பாட்டில் வைத்துக் கொள்கிறார் அல்லது உங்கள் அனுமதியில்லாமல் உங்கள் பணத்தை எடுக்கிறார், அல்லது வேலைக்குச் செல்வதற்கு அல்லது வருமானம் ஈட்டுவதற்கு உங்களை அனுமதிக்க மறுக்கிறார்.
அந்த நபர் பொறாமை கொண்டவராக இருக்கிறார், நீங்கள் அவருக்குத் தான் சொந்தம் என நடந்து கொள்கிறார் அல்லது கட்டுப்படுத்துகிறார்
இந்த வன்முறை அல்லது கட்டுப்படுத்துதல் மோசமாகிக் கொண்டு வருவதாக உணர்கிறீர்களா?
தொடர்பில் இருங்கள்
உங்களுக்கு ஏதேனும் கேள்விகள் இருந்தால், எங்கள் தொடர்பு படிவத்தின் மூலமாக எளிதாக நீங்கள் எங்களை அணுகலாம். விரைவில் நாங்கள் உங்களைத் தொடர்பு கொள்வோம்.
